So da mal paar föteli...D story dezue mit vielne news chunt denn au bald =)

so jetzt hani grad en moment...isch ja jetzt au scho es ziitli her und es isch sooo viel passiert! =)
Also zerst isch hald mal wieder routine gsi da eifach schaffe und schlafe und denn hani mi ja sehnsüchtig gfreut uf de 20. april wo d misch und d angi cho sind!! =) han mi so gfreut zum mal choene usbreche us dere routine und han au paar ferietaeg choene iizieh und han welle eifach hong kong neu erlebe und ihne au zeige...und hald au vor allem endli mal echli frei ha und alles...denn sinds uf jede fall acho und mer hend denn zerst mal sochli en sightseeing tag gmacht zum en überblich becho über hk island und kowloon...und wlel ich denn am maentig und ziistig han muesse schaffe hend sie au grad echli nach guete ort zum go shoppe gah usschau ghalte, wases da ja viel git =) denn sind sie au usgibigscht go mache und ich han mini zwei arbeitstaeg hinder mich bracht. denn endli hani au frei gha und mer hend 6 taeg vor ois gha. mer hend viel plaen gha und hend echt mitem wetter uuu glueck gha. es isch immer warm gsi und eigentli nie rege und mengisch sogar richtig heiss. vor sie cho sind und au jetzt nacher wieder u viel rege, dunkel und chuel...allgemeint hemmer sightseeing gmach, sie sind no uf de peak, mer sind viel go cantonese esse oder au sust eifach viel feini sache gesse wos da ja git und sind go shoppe und a vielne märt gsi...a eim tag wos au super wetter gsi isch simmer zum big buddha uf lantau island mit so gondeli, gsender ja uf de föteli...isch uu schoen gsi. sust simmer zum horserace gange und ein tag simmer iiglade gsi vode misch ihrere bekannte wo au uf lantau island wohnt und sie het ois no ganz e anderi siite zeigt vo hong kong. ziit ishc uu schnell verbi gange und ich hans soo sehr gnosse und es hät mer uu guet ta...ihne sochli choene zeige wo ich wohn und zwuesse dass sie denn au verstoend wenni mal wieder verzell =) leider hemmer nochli mageproblem gha und eus all zeme au göttlich nochli choene ufrege über d luet da aber es isch super gsi =)
ja und denn sinds gange und ich wieder zrugg i minere routine vo nur schaffe und schlafe...han denn au wieder ziemli krise übercho well mis praktikum eifach en witz isch....ich gib und gib und es chunt eifaxh nuet zrugg. das hotel gits scho so lang dass sie sich so uf dem usruebed und wuessed dasses so viel luet git wo wend fuer sie schaffe und sie kümmeret sich eifach gar noed...han au ghoert das seg noed i allne mandarin oriental so aber vor allem i dem wells ja es flagship hotel isch, s eltischte...ich schaffe 10std pro tag und 6 taeg ide wuche zumene laecherliche lohn und das hani au so akzepotier und denkt das isch hald mini erfahrig...aber ich schaffe pro tag mind 1.5std überziit das heisst ich bin echt nur am schlafe und schaffe und es git kei kompensierig i jeglicher hiisicht und wird noed mal gschaetzt...es isch schwer z erchlaere es isch eifach so d atmosphaere i dem hotel...unmenschlich und jede geg jede, chasch niemertem traue oder i irgendere art und wies schwaechi zeige...
ja uf jede fall vor allem denn nachdem sie gange sind hani mer u viel gedanke gmacht und ich weiss hald echt eigentlich noed was mir das da bringt. alles in allem mussi hald fürd schuel 4 moenet ha und han mi denn entschiede mis praktikum z chuerze well nach 4 monet hani mini erharif gmacht und obs etz 6 sind chunt ja nuem drufaa...es isch würkli geld und ziitverschwenig und ich han ja noed mal oepis vo hong kong... drum ja mit viel rede mit de schuel hani etz da en weg gfunde und han das dureboxed dassi etz endi juni fertig bin und chan guet abschluesse mit referenze und zügnis =)) bi uu mega froh well etz gahts wurkli eigentli nueme lang und sie merked jetzt sogar wasi alles mach wenn sichs überleged was wird fehle das heisst es git sochli neue wind drii =) isch also echt super =) und jetzt bini no mini flueg am umbueche und wird denn immer no uf mini reis gah, also afang juli gahni nach tokio, shanghai, peking und bangkok und chum denn hei und han det no schoen summer und bin jetzt ufde suechi nacheme summerjob. freu mi sehr druf ich han s gfuehl ich bin da richtig uf entzug...entzug nach luet wo eim noech sind, nach mich guet fuehle i dem wo ich mach und eifach freud ha und sooo viel anders =) das heisst es isch etz also zimli perfekt und soett so eigentli klappe =)
ja das sind momentan grad so di neuste news und ich wird eu ufem laufende halte =) und falls oeper en summerjob haet bitte melde haha...ich hoff eu allne gahts au guet!