Hallo vo TOKYO!! Ich bin jetzt grad am flughafe und warte um mis flugi nach shanghai!
Tokyo isch eifach traumhaft gsi au wenni nur zimli wenig ziit gha han...am erste tag hani sone bus tour gmacht hop on und hop off zum eifach sochli di ganz stadt gseh und e übersicht zha well es isch riiieeeesig....denn die reschtlich ziit bini eifach denn det ane gange wos spannend usgseh haet vom bus us...zum bispiel zu de tempel in asakusa oder sust eifach shopping und so...
tokyo und allgemein japan isch uuu schoen...vom flughafe mussmer zimli lang mitem zug fahre durd landschaft und es isch uuu schoen und viel natur und gruen...mengisch fascht echli wied schwiiz ;) tokio selber isch eifach super, mega suuber und eifach e schoeni atmosphere, noed so busy und dreckig oderso und d luet und alles mega pflägt, grad echli en grosse underschied nach em unzivilisierte Hong Kong ;) d stadt selber haet würkli sochi alles, vo riesige japanische pärk zu business districts oder grossi offene flächene und strasse wie zb champs elysee und sochli gäessli und alles wie in italie oderso aber au ufregendi strasse wie zb in new york....isch echt genial, muessmer unbedingt mal gseh ha, bin also mega positiv ueberascht. und s allerbeschte ade stadt sind d luet!! eifach so offe und herzlich und so das denke und empathische und alles hends au!!!!! grad es traeumli nach hk,....so das soziale denke, isch schwer z erchläre..s englisch level vo ihne isch ziemli schlecht aber sie sind so offe und wend dir so fescht helfe dassmer sich irgendwie dureschlaht und mer alles irgendwie schafft, obs es billet loese isch oder esse chaufe =) sind also würklich ganz offni und herzlichi mensche und so isch au d atmosphaere ide stadt...und also s esse isch soooo fein und sicher tuerer als HK aber immer no im rahme...uu meeeega fein und vor allem sushi und alles mmmmhhhhhh japanisches esse passt mir also sehr ;)
ja jetzt bini also ufem weg nach shanghai und freu mi meeeeegaaaaa, han scho grossi plaen!! =) jetzt tueni no paar fotene ufelade solangi no akku und internet han ;)