So jetzt bini also in Shanghai und es isch uuu schoen und laessig. S wetter isch super und s hotel isch au super für de pris und denn hani da ja no e kollegin wos praktikum macht...sie chan mich echli umefuehre und weiss viel schoeni oertli =)
Leider hani ja noed soo viel ziit da aber ich hans scho zimli guet gnutzt. Zerst bini also zum Yu Garden gange grad ide noechi vom hotel...so traditionelli chinesischi gärte und hüser. Denn bini zu somene fake market gange und han uu viel kauft ;) Alles woni druf gwartet han und natürlich super günstig. Täsche, sunnebruelle und alles ;) denn bini id pedi und manikür welli ghöert han das seg det guet und guestig und das isches au!!!! Zum Zmittag/ znacht bini denn go xiaolangbao esse das sind so soup dumplings also die hend so wie bouillon no drin mmmhhh u fein, spezialität vo shanghai. Denn am abig simmer id bar rouge gange das isch so e roof top bar uu mega schoen, mer gseht die ganz skyline vom bund her übere nach pudong.
Am zweite tag bini denn zu somene stoff und siede märt, uu schoen und bekannt füer günstigi sache, massgschnideret. Eigentlich alles wommer us stoff chan mache chammer det verlange mit farb und stoff und alles wo mer will. Das hani mer denn natrürlich noed entgah lah und han mer denn grad uiiii en blazer mit hose und rock machelah und no es uuu schoens langs chleid ;)
Nach all dem shoppe simmer denn natürlich mued gsi und sowieso sit mim praktikum sind mini füess voellig zerstoert und scho nach 10min laufe tuends weh. Denn simmer also is dragonfly gange, es uu schoens und bekannts spa und das alles au wieder u güenstig. Mer hend e fuessmassage gwählt wo ei stund gange isch. WOOOOWW es träumli und mine füess gahts enlich wieder guet....
Ja das wers denn au scho gsi, zwei ehalb taeg mit vieeel shopping und erlebnis... jetzt ab nach Peking!!