So endlich mal wieder en iitrag und föteli! =)
I letschter ziit isch noed esooo viel passiert.... hald wie immer wlli immer am schaffe bin...Eimal hend alli praktikante vom hotel en bootsusflug gmacht uf sone insle, das isch mega lessig gsi und haet alli auchli zemegschweisst aber bringt eh nuet wellmer usserhalb vom schaffe sich eh nie chan gseh well alli immer am schaffe sind...aber isch en schoene tag gsi. Denn mis andere highlight isch gsi, dass d nina da gsi isch well sie ja flight attendant isch und alles gsetzt hät zum en hk flug becho im juni und es haet klappt!!!! isch uu schoen gsi wieder oeper noech ha woni kenn und au sochli ihres hk kennezlehre...
Sust bim schaffe ish immerno alles zimeli glich. han letschti min letschte tag gha in guest relations well jetzt bini wieder zrgg ade reception und es isch jede tag eifach en kampf well es isch sone ungsundi stimmig und überhaupt kei gueti lernumgebig. es isch meh eifach sonen chrieg jede gege jede und jede will eifach dass die andere schiiteret und das isch natuerlich vor allem für en praktikant schlimm well mir ja eh d' idiote sind unds natürlich für alli praktisch isch wellmer denn schoen alli fehler chan uf eus abschiebe....han das echt noed noetig und chan bessers mache drum bini froh dasses jetzt endlich absehbar isch und ich endlich 2 wuche fertig bin!!!! =))) bin jede einzelni tag immer am abchruezle =)
Ich han also würkli usegfunde dasses noed a hong kong liit. abgseh vom fact dass d luet in hk eifach unzivilisierti und asoziali mensche sind eifach wells hald ums 'überlebe' gaht und denn hald so luxus wie respekt und astand noed drin liit (was viel au kultur nenned, ich aber gar noed so gsehn well das wer zimli beleidigend wells au paar anderi git) isch hong kong eigentlich interessant. Es haet wuerkli viel z buete i jeglicher hiisicht und mer chan ja gezielt dere andere siite usem weg gah...und ich ghör au vo vielne anderne praktkante da vo anderne hotel ihne gfallts...eifach well sie au ziit haend alles echli z entdecke...ich han würkli s gfuehl ich wird noed wuerkli alles gseh ha welli eifach nie ziit han...und eifach i mim hotel sones asozials und konkurrenzdenke isch...und sie hald en super ruef und erfahrig hend und sie sich hald total uf das abstutzed und au wüssed dass u viel für sie wend schaffe dass sie sich en schiissdreck kümmered um die wo da sind...
Uf jede fall hani ja no paar freitaeg und hoff dass au s wetter chli mitmacht dassi trotzdem nochli oepis chan gseh solangi da bin....
Und denn bini also am 28. Juni fertig und han denn no 2 taeg da und am 1. juli flügi nach tokioooo....Uf minere reis wirdi denn schoen immer schribe und fotene ufelade aber momentan gits noed viel z sege und zgseh ussert paar chlini sache woni amel mach wenni echli ziit han...ALso ich lade jetzt mal föteli ufe =)