So also jetzt hani alles gschribe dasser chli oepis zlese hend. D fotene choemed denn sobaldi ziit han...(weg de pünkt ufde charte mussmers also noed so gnau neh, ich chans noed recht wähle aber ich han ja immer schoen gschribe wies heisst denn choenders sust nahluege wens eu interessier =) )
Also:
Vo Perth bin ich denn ja uf e 10-tägig Reis ade westküste mit ?Westen Xposure? gange. Das isch e organisierti bus tour mit guide wo vo ort zu ort gaht (Vo perth nach emouth und denn no zum jarijini national park) und eim alles chli zeigt, esse und underkunft isch alles debi gsi. Mer sind 19 lüt gsi, die meischte i mim alter und chli älter, alles backpacker, die meischte sind eifach am umereise gsi in australie. Luet vo holland, dütschland, england, Kanada aber au 2 Schwiizer. Es isch e super gruppe gsi und immer gueti stimmig, eifach immer öpis los.
Ich verzell eu jetzt mal sochli tag für tag was mer so gmacht hend und ich han soooo viel föteli =) Die erste sochli allg vode reis ladi da etz ufe und es choemed denn no meh wenni die vode Tour bechum. Det häts no ganz lässigi und schöni vo ort woni d kamera noed mitgno han wegem durs wasser chlättere ;)