Wow, scho ein Monet da!

26.March 2013 - Hong Kong


De bricht chunt bald =) Ich muss etz zerst mal schlafe ;)

So, jetzt schaffis au no zum schribe. Irgendwie lauft so viel und ich weiss gar noed wo afange, anderersiits hani s gfuehl es lauft noed viel ussert schaffe. Weiss au gar noed uf wellem stand ihr so sind welli mit allne immer mal wieder echli rede =)

also hong kong. Mmh was soelli sege. Leider isch s wetter i letschter ziit noed so schoen. immer bewoelkt und au chueler und sogar amig rege. aber das werdi bald au besser und es wird ja denn bald sehr summrig ;) und ich chan mich ja sowieso noed beklage wenn ich so gseh dasses bi eu no tüefe winter isch.
Sust hong kong lehri immer meh kenne. vo allne siite. es git paar schoeni plaetzli, vo dem hong kong wo mer so uf biilder gseh und so paar lokali oertli wommer d kultur gspuert. aber alles in allem hani echli s gfuehl bini (immer meh) enttüscht. touriste und de ruef vo hong kong isch sehr fancy und e busy und erfolgriichi und glamourösi business stadt. wemmer aber da wohnt und alli siite gseht denn isch das ganz anderst.
abgseh vo dene business viertel und touriste ort isch alles sehr abecho und arm und ich han u müeh, z denke dass da chind ufwachsed.
ich bin ja sehr offe mit anderne kulture und vor allem welli ja au viel luet vo hong kong und mainland china kenne vode schuel bin ich sehr interessiert und han ja viel ghoert. ich muss aber leider sege dassi sehr negativ überrascht bin. Die seged da alli mainland chinese sind so unhöflich und rücksichtslos. Aber ehrlich gseit sind die noed anderst. Ich han sochli s gfuehl dasses 2 gruppe git. Die einte sind die business lüt. Die meiste vo dene sind eifach extrem iibildet und meined dass sie oepis bessers sind. scho nur so im soziale lebe, chlinigkeite wie zb uf de strass, ide metro. Die lüt kümmeret sich um niemert anderst und all andere sind ihne egal. die andere sind sochli d ameise. die sind genauso rücksichtslos und sehr sehr unhöflich und es tuet mer leid aber sehr viel sind richtig dumm. au so vom medizinsche und bildig isches sehr krass, mer merkts uu mega und i dene viertel lebt mer hald eifach so. ich han s gfuehl es git da so viel lüt und so viel eggli vo lüt eifach verwesed und niemert interessierts. es isch schwierig z erchläre und ich probier immer offe zsii aber ich bin sehr sehr überrascht. Jede tag hani mini phase woni eifach denk uii oder mich ufreg dass die sich so verhalted und es gaht ja allne det glich...und trotzdem isches s es elleboge ding. Isch schwierig z sege und ich finds sehr sehr schad das so müsse zgseh. ich hoff dass ich auno positivi überraschige wird atreffe und bin sehr gspannt denn nachem praktikum no nach peking und shanghai zgah und vllt en unterschiid zgseh, obwohl ich det ja ehner de tourist wird sii...

Sust gits scho paar lässigi und gueti sache da abr irgendwie chanis noed ganz so ernst neh well alles so im kontrast staht. das isch sehr schad well ich merk dass ich mich immer meh vo dem distanziere und gar nuem so probier, das wahre hong kong zgseh wells so noed offe sind. drum bini ehner zrugg mit dene luet woni kenn vode schuel und bin sochli i mim europaeische lebensstil...isch schad...wer weiss ich han ja no ziit...
natuerli probieri mini ziit da glich z nutze wenni frei han. ich triff mich wie gseit mit luet woni kenn wo au vo schwiizer schuele sind oder weiss dass sie da sind. Das isch sehr lässig aber schwer well mir hald alli schichte schaffed, da gaht mer voll anenand verbii.
Jetzt freu ich mich aber shco sehr well am 20. april choemed denn d misch und angi mich für 10 taeg go bsueche. ich hans iigrichtet dassi paar taeg frei han und ich freu mich unglaublich wieder luet um mich zha wo mich kenned. und ich wird ihne die shcoene sache, touristisch und noed choene zeige. und vllt au s wahre hong kong ;) Das wird s highlight vo minere ziit da =)

Mis praktikum isch immerno sehr streng. Es isch ja jetzt scho en monet und irgendwie chumi noed so vom fleck. am afang hani strengs training gha und es het nach grossem programm und so usgseh. sither isches aber so busy im hotel und de mistery guest chunt dass sie ois praktikante sochli im hintergrund phaltet und chli dubeli arbeit mache loend wells eh kei ziit hend für ois. Das ischne jetzt wohl fascht chli peinlich worde und ich han jetzt d möglichkeit becho, bi guest relations z schaffe, sie hend mi det also choene under bringe ;) das gfallt mer sehr und die choend mich au würkli bruche. es gaht um vips, luege dass sie anerchennt werded und ihri amenities bechoemed und alles. isch sehr spannend und ich chan lerne und bin würkli am mache. mal luege wie lang das no so blibt, nacher wirdi warschinli wieder umegschobe...ich wart etz mal ab und sust mussi oepis mache. Ich mach noed nomal so es dubeli praktikum, ich han s gfuehl ich choent so viel mache und es choent ja e win win situation sii fuer beidi. So wies jetzt isch hani eifach s gfuehl es isch mal wieder e usnutzig vo praktikante. grossi verspraeche aber nuet passiert und praktkante werded sowieso eifach mal als idiote agluegt und die gend eim au immer shcoen s gfuehl. das isch eifach sehr frustrierend und ich han echt denkt bimene hotel wies mandarin oriental, vor allem Hong kong wos scho sit 50 jahr erfolgriich git, waers anderst und au d ufnahmebedingnge sind sehr viel haerter gsi.
Ich merk aber immer meh dasses vo usse super isch und de service und standard sehr hoech, well alles so nach robotermässigem ablauf fuktioniert. da gits wenig platz für fehler ussert wenn mal chli maenschlichs gfroeft isch, denn sinds ufgschmisse.hine dra isches eifach echli usnuetzig, es goend au immer so viel luet aber es chan ihne zimli glich sii wells so viel git wo wend fur MO schaffe well sichs hald super macht im lebenslauf...so wie bi mir, ich opfere mich da etz uf fuer die ziitmit de hoffnig es hilft mer ide zuekunft. isch ja nur 6 moenet und ich han d hoffnig noni verlore dassi nochli chan lerne und wuerkli au oepis mache.
s isch eifach au schad well ich schaffe echt 9.45 stunde pro tag und das isch eifach krass, vor allem welli nur 6 taeg frei han pro monet. also nur all 2 wuche 2 taeg frei, sust 6 taeg schaffe pro wuche. und hald au schichte dasses hald noed viel platz und ziitruum git für privats und freiziit. es isch würkli sochli sozial schwierig vor allem au well die luet ebe noed soooo offe sind (es git scho paar aber nur so einzelni) und mer hald noed eifach mal so oepis macht mit luet vom schaffe. hoechstens vllt mal praktikante under sich aber das klappt ja au noed würkli well mir ois schichte teiled also immer oper am schaffe isch...
isch schwierig z erchläre...

das toent jetzt alles sehr negativ...alles in allem gahts mer ganz ok und es isch au noed so dassi etz würd grad welle abbreche. ich bin eifach chli enttüscht well genau ich so offe bin zu anderne kulture und die will kennelerne und denn uf das triff...ich finds sehr schad well ich selber merk ich entfern mich immer meh und ich will noed au sone attitude becho wie die luet da hend...bim praktikum würdi eifach gern meh use hole well so viel stunde eifach krass sind wenns eim noed gfallt. am fact dassi noed viel freiziit han chani wohl nuet aendere. isch e erfahrig und ich dnek immer dassis denn mal umso meh wird gnuesse wenni wneiger han ;) gegeüber hong kong probieri offe zsii und immer neui siite zgseh und jetzt freui mi mal sehr uf de bsuech woni bechum :))))

ich hoffe eu dhei gahts allne guet und dass bi eu au bald mal de fruehlig chunt! =) ich umarme eu fescht :-*