So jetzt gits mal wieder en iitrag, au wenns nur en churze isch und ich mini fotene noni ufeglade han...

uf jede fall haet sich jetzt also alles iigfaedled...nach viel organisiere und alles neu agah...ich wird jetzt also genua huet imene monet fertig sii mitem praktikum und am 1 july fluegi denn ab. ich mach denn also glich no mini reis und das heisst dassi am 1. juli nach tokyo flueg für paar taeg, denn nach shanghai woni eini triff vode hotelfachshcuel und denn nach peking woni anderi luet triff vode schuel und au bi ihne wohne und am schluss nach bangkok woni nach mich durefröge wohl d chance bechum für e uuu gueti rate im mandarin oriental zwohne, das isch unglaublich =) eifach u guet zum mis bild vllt chli chöne z ändere und alles hald mal als gast zgseh, das nimmt mi sehr wunder.

ja und jetzt da bini hald no chli alles am mache woni will und gseh und esse und chaufe =) und s git no einiges z organisiere, mini reis plane und natürlich au visum und sache wie abos nd so da abschlueese...

und au scho seehr bald chunt denn d nina well sie ja flight attendant ishc und haet en hong kong flug das heisst mer hend 2 taeg zeme!! =) juhuu....

ja und sust hald immerno schaffe, d mehrheit...han ja leider so wenig frei dassi das alles muss zemequetsche und immerno s gfuehl han ich han hong kong noni so gseh...aber jetzt woni bald gah merki dassis au besser nutze obwohli eigentli eifach will schlafe ;)

sus gits noed viel neus, ich wird denn also mitti juli zrugg sii und bin momentan uf de suechi nacheme guete summerjob für die 2 moenet vori wieder uf montreux gang.
ich hoffe sehr dass bi eu bald de summer chunt =) bi eus isch es sooooooooooooo heiisss und füecht, abr ich han das ja gern ;) also d hitz...d fuechtigkeit weniger haha....
ja das wers für de moment, fotene chomed wohl au bald...
bis seeeehrr bald =)