Enfin, j'ai trouvé du temps pour écrire sur mon blog..

Auso ir letschte Ferie Wuche vor Sabe si mer no i Fun-Parc..à la Ronde in Montréal..sisch super schön gsi, ou z Wätter het guet mitgspieut gha. :)

Äm Wucheändi (guet, das isch ou scho 2 Wuche här :)) bini när mit de Mexikaner vo minere Schueu i Usgang. Sisch ä private Party im ne Hochhuus gsi, ha auso nid schlächt gstunet gha wo der Lift plötzlech im 48 Stock het ghautet...

Mir hei ir letschte Ziiit sone Hitzewäuä gha u de isch üs nüt anders übrigblibe aus sech äm plage abzchüele..was mer natürlech ou immer gmacht hei.

Letscht Wuche is de när so wiiit gsi u äs si mi zimlech vieu cho bsueche. Zersch isch mini Cousine, der Cousin u d Kollegin cho u äm nöchste Tag de när no mini auti Schueukollegin- wo jetz chli äm umereisle isch für 2 Wuche. Mir heis auso guet gha u äs het mi gfröit ne chli d Gägend chönne z zeige. Sie de när aui zäme goh z Nachtässe u äm Schluss no z Füürwärk goh luege.

Was aber ou nid vergässe darf wärde, mir hei natürlech ou no z Olympische Stadion besichtigt :)