So letscht Wucheändi bini für 4 Täg wieder uf Vancouver Island gange- die Insle isch eifach so troumhaftschön!

Das Mou bini aber mit der Fähre nach Nanaimo, hei dert übernachtet im ne zimlech schäbige Hostel wo vo Usse het usgseh aus wärs äs Puff.. naja das isch ou wieder sones Frou Zücher- Gschichtli gsi. Ha äs Zimmer reserviert gha, ha der Huustüürcode gha aber ha mer d Adrässe nid ufgschriebe gha..super Nanimo isch jo sooo chli u het nume eis Hostel :)

Nachdäm mer de äs Outo gmeitet hei gha..(das isch gar nid so eifach in Kanada- me muess nämlech 25i si).. u mer üs uf d Socke gmacht hei, hei mer de när mou äs Hostel gfunde..naja nach langem Hin u Här, wüu mer nid rächt gwüsst hei, öbi dert würklech ä jedere Türe dä Code söu goh itippe hei mers de när doch gmacht u siehe da. Mir si bim richtige gsi :)

Guet, nach 5 Minute wäre mer froh gsi, wes äs anders gsi wär. Sisch zimlech schmuudelig gsi u d Hochbett hei sech schlussändlech ou aus Gfahr usegschtöut..