Auso nachdäm mer när mit üsem geniale Outo nach Ucuelet gfahre si, hei mer ä Zwüschehaut im bekannte Rainforest gmacht. Sisch würklech mega schön derte u die Böim sie soooo riiiisig, sisch ungloublech gsi.

Nach dere 4 -5 stündige Fahrt, simer de när i üsem schöne Hostel acho. Der Hage isch eifach gsi, mir sie natürlech ä däm W-kend gange, wo grad aui Kanadier hei frei gha wägem Pfingstmändig :) Kuul aus isch usbuechet gsi u de heimer üs haut z 3 äs 1,40m Näscht müesse teile. :)

Obwouhs praktisch die ganzi Ziit grägnet het, hei mer trotzdäm beschlosse no der Wildtrail z mache. Sisch ä Wanderwäg entlang der Küste u düre Waud aber man bedenke, sisch nid so wie back home in Switzerland. D Pumas si ou dert i de Böim ghocket u ou der Bäru isch jetz us sim Dornröslischlof erwachet :D (hei zwar leider keine gseh)