Äm Morge äm 7ni isch d'Reis losgange.
Bi mitere Reiseagentur vor Schueu nach Toronto.

Nach äs paar Stund und änere länge Pouse (hei ä Outopanne gha-bi 35 Grad isch d' Klimaalag usgstige-supi) is de nör wiiter gange.
Zerscht simer bi de 1000 Îles düregfahre...das sie aues Insle wo zwüsche Canada u de USA lige. D Lüt hei sech d'Insle wie nes Grundstück kouft. Das heisst sie hei se zum Teil voukomme überbout u der Eint het sogar 2 Insle. Eini im kanadische Gwässer u die anderi im Amerikanische u het se mit äre Brügg verbunde :) voilà sisch die kürzisti Brügg vor Wäut! Tja, was me nid aues lehrt in Canada! ;)

Äm Nomitag u nach aune Back to the future Fiume, si mer de när "ändlech" in Toronto acho.
Dert si mer de ufe Tower, hei ä Stadtrundfahrt gmacht u derbi no ä Studäntin verlore..hehe sie isch aber de när nach paarne Stund wieder fürecho :D

Äm Obe si mer de när nach Niagra, da mer dert üses Hotel hei gha.