Voilà u scho si mer in Sept-Îles gsi. Hei 6 Stund gha u wo mer de äm Obe äm 8 si acho hei mer gfunde gha, dass mer chönnte goh Muschle ässe. Naja, die schliesse dert aui äm 10 z Restuarant..supiiii das heisst, hei 20 Minute für üsi Rieseportion Muschle dörfe ha..haha sisch mer vorcho wie bimene Wettässe..sisch zwar gein gsi aber i ha no nie so vieu Muschle i sonere churze Ziit verschlunge :)

Drum üse Erstidruck vo dere 20'000 chöpfige Stadt u mir hei doch no gmeint gha äs sigi äs winzigs Fischerdörfli..haha Kanada steckt haut scho vouer Überraschige!

Äm nächste Tag hei mer de ä Strand wöuä aber nei, mir si im Industriebegiet glandet..aui hei üs zimloech schreg agluegt gha aber was solls..nous sommes touristes ;) et on ne parle pas français..

Mais bon, im Hostel hets nume üsi nätte Franzose gha, aber das isch guet gsi de het me wenigstens wieder chlo öpis verstande..:) äm Obe hets de när äm Hafe äs Fürwärk gäh wieu sie Canada Day hei gha und äm nächste Morge is de när früeh wieder in Richtig Tadoussac gange..