Letscht Wucheänd bini 3 Täg nach NY!

Si äm morge äm 6i mit äm Bus Richtig Boston gfahre. Äm Zou hei ha ni de när nach guete 2,5 Stund mi Ireisestämpu bercho. D Amis schaffe haut scho chli anders aus mir CH. Nach däm ne de mou z ganze Computersistem isch zämegheit u mi der eint no het zämegschisse i heigi nid z richtige Visa, hei mer de när doch no üsi Reis, mit äre chinesische Reiseagentur chönne fortsetze :D

Nach guete 11 Stund si mer de när ändlech in NY City acho. Läck, die Stadt isch jo so gross u äs het so vieu Lüt dert. Bi mer z ersch chli verlore vorcho u mi hets dünkt äs renne mi aui übere Hufe. :D Was aber zum Glück nid der Fau isch gsi;)

D Selina u i si de när is Museu Believe it or not. sisch no rächt amüsant gsi, was mer dert aues het gseh.
Äs isch de när wiiters zum Top of the Rock- Observation Deck gange.

Äm Obe spät si mer de när is Hotel wo in New Jersey isch gsi gange. Läck bini froh gsi, dassi mini Bei ha chönne höch lagere :) das het mi nämlech rächt müed gmacht gha.

Äm nächste Morge si mer de när Richtig Downtown u hei d Schiff gnoh für zur Freiheitsstatue :)
Auso in Ächt isch sie garn nid so gross wie i mer se immer vorgsteut ha aber äs isch glich äs schöns Erläbnis gsi.

Spöter si mer de der Ground Zero goh aluege..dert si sie jetz ou wieder äm boue..
Äm Mändig is de när hei nach Montréal gange. Uf äm Wäg si mer de no bi de Outlets verbi..u nach guet 9 Stund si mer de när wieder in Montréal itrudlet :)