Eingelebt und Ferien an der Küste

30.August 2010 - Irgendwo ar küschte


D arbeit het ahgfange, aues isch ihkouft, aues isch PERFEKT !!! Es git absolut nüt z motze... usser vielech d muggestiche XD...

I ha sogar sonne, strand und meer erläbt... onzen, sushi, mt.fuji betrachte... u japaner party mit origami lektione :D! Was wot me meh...

D lüüt sie extrem fründlech u d kultur eifach totau anders... onzen = nackt mit anderne imne warme becki bade u au paar minute sech mit chautem wasser abchüehle u wieder dri gah :D! Z sushi isch göttlech... riis mit wasabi , avocado mit riis u sojasauce... fritierte tofu mit riisfüllig... u pro täuer ca 150yen <33333333 :D

Z wasser am meer isch ziemlech warm, auso wermer aus d aare, obwou d japaner gfunde hei es siig abartig chaut... Naja i bi när glich gah schnorchle u ha so blaui fische entdeckt XD... glichziitig dörfe zueluege wie japaner mit so "harpune" sie gah fische jage, leider erfolgriich... aber das macht ja hie anschinend jede >_>

Naja da das meh e "geo-blog" isch... beschribi mau d landschaft: Extrem füecht u heiss u d pflanze gseh us aus wär me irgendwo i de trope... O d tier sie dämentsprächend. I ha irgendwelchi schlange, riese grossi schmätterlinge, komischi wiudsöi u kakerlake-strandchäfer entdeckt XDD... Super erfahrig, its fähle no affe u i bi glücklech :D!

Naja für di nächschte wuche wirdi wohl in tokyi blibe, bisi de ferie ha us nach nikkon odr osaka/kyoto wiitergeit... bis denn wird dä blog vermuetlech läär blibe...

Bis denn :D