Hallo zaeme

Noch uesere tolle und erholsame Ziit in Hawaii hemer am 4.10. uesi erschti Touer agfange. Fo Los Angeles noch Phoenix, Grand Canyon, Lake Powell, Monument Vally, Las Vegas, Bryce Canyon, Death Vally, Mommoth Lake, Yosemite Nationalpark noch San Francisco esch eis Highlight nochem andere cho. Las Vegas esch extrem idroecklech gsi be Nacht - das Liechtermeer - onglaublech... Natuerlech hemer dete ueses Spellgloeck onder bewiis gstellt... Bem Eiarmige Bandit hemer agfange vom bem Blackjacktesch esch ueses Endi (finazieller ond idrocksmaessiger Hinsecht) gsi... Of de Fahrt fo Laas Vegas via Death Vally noch Mammoth Lake hemer no es idroecklechs Erlebnis gha.. Am Morge semer be ca. 25 Grad in Las Vegas abgfahre. Im Death Vally hemer 22 Grad gha, wos normallerwiis om die Johresziit ca. 35-40 Grad setti si. Im Death Vally hemer denn no en Sandstorm gha. In Mammoth Lake, of 2500 m.u.m. hend ues en Schneestorm ond ca. 5cm Neuschnee empfange. Am nochste Morge send denn dete ca. 10cm Neuschnee glaege ond en herrlechi Wenterlandschaft hemer gha... Onglaublech aber wohr... In San Francisco hed ues denn weder herrlechs Waetter empfange ond es esch ideal gsi foer uese Usflog is Alcatraz. Am Sonntig foht uesi 2. Tour a, uesi Florida Rondreis metem Zaelt...! Am 27.10 verloemer denn America id Rechtig Schwiiz. Noch Zwoeschelandige in Toront ond Frankfurt landet mer denn am Morge vom 28.10. weder of Schwiizer Bode.

Liebi Gruessli
Steffi ond Evelyne