Die letschtä zwe Täg si mir i Kakadu NP. Ä wunderschönä NP. Am erschtä Tag simer ufenä Wanderig um Felsemalereiä vodä Aboriginal z´bewunderä. Dr nah ufem Lookout ä wunderbarä Blick überä Park. Bis a Horizont numä Wildnis! Das isch das wo üs hiä so beidruckt.
Am Abe si mir de no meh Aboriginal Malereiä gah luegä und hei dr Sunnäuntergang am Ubirr gnossä!

Am nägschtä Tag hets früeh Tagwach gäh, 5:00! Mir si de a Gunlom Wasserfall gwanderet, nachemä steilä Ufstig und emä Canyoning hei mir chönnä bade oberhalb vom Wasserfall und denn no im Wasserbecki nachem Wasserfall. Ä Warnig wägä Krokos hei mir nid beachtet. Nachem Motto: So viel Lüt wies da im Wasser het isch d´Chance chli, dass das Krokodil grad mi frisst, hei diä meischtä das Bad gnossä. Äs isch ä super Trip gsi mit viel Abentür und Natur, ä cooli Gruppä und nid ganz so viel Muggä wiä erwartet. Ums idä Wort vom Aoriginal z´sägä: Our land has a big story. Come and hear our stories, see our land, listen and feel the country. A Little bit might stay in your hearts. If you want more, you can come back...

PS: D´Boa hei mir nid gseh.