Mir hei no ä ganzä Tag Zyt in Darwin. Dr Botanisch Gartä hei mir unbedingt wellä gseh. Also si mir bi
35 ° losglofä, ä Marsch dür diä ganzi Stadt will üs z´Gäld für d´Velomieti het gröit. Mir hei de das scho gli mal beröit. Völlig uspumpet si mir im Gartä acho. Die wunderschönä Pflanze hei aber die Strapazä lah vergässä. Völlig fasziniert vo dä exotischä Bluemä isch de d´Natascha abem Wäg für schöni Blüetä z´fötälä. De plötzlich ä Schrei und wie vor Tarantlä gstochä isch si wieder usem Busch gspidet. Ä 1,5 m längi Schlange het sech under däm Boum mit dä schöne Bluemä zum sünnälä usbreität. Verchlüpft si mir beidi öpä glich fescht. D´Schlangä isch de i Busch gflüchtet...
Ja da si alli guetä Forsätz verbi gsi. Vo wägä, wemä ä Schlange gseht ruehig blibe und nid flüchtä, dr vo gumpet bini.
Am Abä hei mir de üses Züg zämä packt, will äs geiht witer ad Oschtküschtä, zrügg a Afang! Äs erschtunt üs immer wieder was alles i dä Rucksack passt! 5:00 ufstah und denn ufä Flughafe und scho wieder isch äs chlises Kapitel z´änd vo derä Reis.
Dr Nordä isch schön gsi. D´Nationalpärk hei üs mit dä Wasserfäll und dä Billabongs guet gfallä. Nume vo Darwin hei mir chli ä anderi Vorstellig gah.