Einisch drum, ja genau mit hüt si mir einisch rund um Australiä und einisch z´mittzt dri!
Mir si guet in Cairns glandet und si üsä nöi Britz gah holä. Aber mir si doch sehr entüscht! Da u dert geiht öpis nid, hiä äs Birli kaputt und da muesch öpis flickä, und äs isch ä Roschthufä mit fasch 200´000km. Aber mir hei wieder ä Blitz und das isch super! Mir si de grad sofort id Stadt. 5 Monät isches här und glich isches gsi wiä geschter. Mir hei üses Chinarestaurant gfunde mit dr Lobbstergschicht, si bi mängem Singapurcharly gah inäluegäh und hei i üsem ? Stammkafi? Glace und Cappucino gnossä! Aber mir hei in Cairns nid wöllä Wurzlä schlah und so si mir witer...