Am Morgä si mir a Mossman George ä Räggäwald-Walk gah machä. Z´Wätter isch immer no nid so guet und so si mir ganz spontan scho hüt die 280km nach Cooktown gfahrä. Ja mir hei üs gwunderät, ou in Australiä gits Kurvä!
Uf üserä 1. Reis si mir immer wieder uf dä Spurä vom Käpten Cook aglangt, und so hei mir eifach mal nach Cooktown wellä. Är isch am 17.6.1770 dert acho und het sis Schiff repariert. Mir si hüt da acho, imenä chlinä härzigä Näscht! Cooktown gfallt üs guet. Mir hei am Nami eifach mal chli gfulänzet und ä Feriänami gmacht. Kafi und Güezi, Nüssli u äs chalts Bier und d´Sunnä wo wieder schiint, alles isch wieder guet :-) Jetzt am Abe no äs BBQ, und hoffätlich keini Chrottä meh ir Duschi!