Ou hättä mir doch geschter nid so globt. Chum hei mir dr Blog gschribä gha, isches gfährlich wordä. Nachem Nachtässä ir super Campchuchi si mir zu üsem Roscht-Blitz zrügg. Scho wo mir Tür hei ufgmacht isch ä Stinkwulche entgägächo. Dr Alain het ja no bhoubtet äs sig üses Muggämittel wo mir hie hei kouft, Bushman HEAVY DUTY! Aber ig ha de gfunde das chönn nid dr Bushman si. Mir si de halt gah düschälä und womer si zrügg cho isches no schlimmer gsi. Mir hei de ds Übel gfunde. Die 2. Batterie im Britz isch fasch explodiert! Ou hei mir Glück gha! Mir hei de die Batterie wo füür heiß isch gsi usbout und si nume no miter Stirnlampe umegflitzt!
Mir hei de hüt am morgä am Britz-Fritz aglüte, und dä het ganz sicher gmerkt dass ig sehr, würkli sehr hässig bi. Plötzlich chame de guet englisch! Mir si de inä Garage. Die hei üs innerhalb vorä halb Stund ä nöi Batterie ibout, ohni Wartezyt! Dr J. Cook het in Cooktown sis Schiff repariert, und Linski´s dr Britz! So genau hei mir das mitem Mr.Cook ou nid wellä näh!
Mir si de nach Port Douglas gfahrä. Das wär ä Ort zum Wurzlä schlah! Mir hättä üses Strandhuus ou scho gfundä...