Mir si nid am 6.30 Uhr ufgstande, das hei mir eifach nid gschafft.
Mir si nomal mit dr Fähre nach Manly. Äs het üs am 25.12. so guet gfalle dert, dass mir hei gfundä äs wär ä guetä Abschluss. Nachere Fährüberfahrt si mir dür Manly gschlenderet, si a Beach blüterät und hei natürlich nomal z´fulänzä gnossä. Äs isch Herbscht da in Sydney, und das merkt meh nid numä adä Temperaturä, nei ou d´Stränd si läärer.
Mir si de wieder zrügg tuckerlet mit dr Fährä und si i Botanisch Gartä vo Sydney. Für das hets uf dr 1. Reis nid no glängt. Super schön isch das gsi.
Denn sofort gah Hosä wächslä und uf Darling Harbour. Mir hei super indisch gässä, äs Crepe zum Dessert und denn: Äs super Füürwärk ufäm Wasser vo Darling Harbour. Mir kennä Lüt, die si am 31.12. Stundä agstandä, mir kei Minutä und z´vorderscht ar Front! ( Tja Mario, du muesch eifach ads richtigä Fescht ;-) )